Wilaya ya Nayumbu ilitangazwa rasmi kuwa Wilaya na aliyekuwa Rais wa Jamhuri ya Muungano wa Tanzania Rais Benjamin William Mkapa, tarehe 29/07/2005. Makao Makuu ya Wilaya ni Mji wa Mangaka.
Wilaya ya Nayumbu ina ukubwa wa kilometa za Mraba 5071.5 sawa na asilimia 30 ya eneo lote la Mkoa wa Mtwara.
Wilayah hii inapakana na wilaya ya Nachingwea kwa upande wa kaskazini, Wilaya ya Masasi kwa upande wa Mashariki, Jamhuri ya Msumbiji upande wa Kusini na Wilaya ya Tunduru upande wa Magharibi.
Wilaya inapata mvua za kati ya 400mm na 832mm kwa mwaka na wastani wa joto ni kati ya nyuzi joto 250C na 320C.
Kwa Mjibu wa Sensa ya Kitaifa ya Watu na Makazi ya mwaka 2012, Wilaya ilikuwa na jumla ya wakazi wapatao 150,857 (wanawake 72,237 na wanaume 78,620). Ongezeko la watu ni wastani wa asilimia 2.1 kwa mwaka. Pato la mwananchi wa Wilaya ya Nanyumbu linakadiriwa kuwa Tshs 442,572 kwa mwaka.
Zaidi ya asilimia 80 ya wakazi wa Wilaya ya Nanyumbu wanategemea kilimo kwa ajili ya kujipatia chakula na mapato. Mazao ya biashara yanayolimwa ni Korosho, Ufuta, Karanga, Choroko na Mbaazi. Mazao ya chakula ni Mahindi, Mpunga, Muhogo, Mtama, Mbaazi, NjuguMawe, Kunde na Upupu.
Fursa za uwekezaji zilizoko katika Wilaya ya Nanyumbu ni pamoja na
Kilimo cha umwagiliaji hususani kilimo cha Mpunga, Mahindi na mazao ya bustani. Kilimo hiki kinaweza kufanyika katika eneo la kijiji cha Masuguru na Lukula kwa kutegemea maji ya mto Ruvuma. Eneo linalofaa ni (Hekta 4088).
Mifugo. Uimarishaji wa shughuli za ufugaji/uendelezaji wa ranchi ya mifugo ndani ya Wilaya. Eneo lililopo ni hekta 5,000 katika Wilaya Nanyumbu na Ufugaji Mkubwa wa kuku, Mbuzi na Mifugo Mingine.
Utalii. Pori la akiba la Lukwika Lumesule. Poli linao wanyama wa aina nyingi. Watalii wanakaribishwa kwa ajili ya kujionea maajabu ya uumbaji wa Mwenyezi Mungu
Viwanda. Uwekezaji katika Viwanda vya Kusindika mazao (Agro Processing) kwa mazao ya Korosho, Ufuta, Choroko na Mbaazi.
Afya. Uwekezaji katika ujenzi wa miundombinu ya utoaji wa huduma za afya kama Hospitali na Vituo vya Afya. Kwa sasa hakuna Hospitali ya Wilaya.
Maji. Hadi sasa upatikanaji wa maji upo chini ya asilimia 35 kwa wananchi wa Nanyumbu.
Elimu. Kwa sasa Wilaya haina shule ya sekondari ya kidato cha sita. Haina chuo cha Ufundi VETA, Haina Chuo Kikuu. Kwa ujumla Elimu bado ni changamoto kubwa.
Fedha. Uwekezaji katika miundombinu ya fedha. Wilaya ina Benki moja tu ya NMB.
